na fikr sidra-nashin meri na rifat-e-asman meri

na fikr sidra-nashīn merī na rif'at-e-āsmān merī

nihāl-e-ġham par mirā baserā hare shajar tak uḌaan merī

sadā ke raste pe shahr-e-mafhūm duur se dūr-tar lagā hai

mirā har ik lafz pā-burīda ḳhalal-girafta zabān merī

kahīñ to mā'dūmiyoñ kī sham'oñ meñ nīm-raushan thā naam merā

kahīñ pe mahrūmiyoñ meñ bhīgī rahī shab-e-be-nishān merī

bas ek aañsū ke daḳhl ne manzar-e-vafā ko badal diyā thā

bas ek mauj-e-ḳhafī ke aage ḳhas-e-ravāñ thī chaTān merī

ye ātishīñ tiir kis makāñ se shab-e-munājāt aa lagā hai

dhuāñ dhuāñ hai kitāb merī lahū lahū hai zabān merī

na fikr sidra-nashin meri na rif'at-e-asman meri

nihaal-e-gham par mera basera hare shajar tak uDan meri

sada ke raste pe shahr-e-mafhum dur se dur-tar laga hai

mera har ek lafz pa-burida KHalal-girafta zaban meri

kahin to ma'dumiyon ki sham'on mein nim-raushan tha nam mera

kahin pe mahrumiyon mein bhigi rahi shab-e-be-nishan meri

bas ek aansu ke daKHl ne manzar-e-wafa ko badal diya tha

bas ek mauj-e-KHafi ke aage KHas-e-rawan thi chaTan meri

ye aatishin tir kis makan se shab-e-munajat aa laga hai

dhuan dhuan hai kitab meri lahu lahu hai zaban meri