har sans mein lipTa hua ek soz-e-kuhan hai
har saañs meñ lipTā huā ik soz-e-kuhan hai
ye jism nahīñ dard kā pahnā huā tan hai
bulbul hai na gul hai na koī tum sā chaman hai
ye shor-e-anā hī mire hone kā chalan hai
vo lams abhī tak mirī tahvīl meñ kyuuñ hai
vo jism abhī tak mire hisse kā badan hai
har saañs meñ ik aag sī kyuuñ raqs-kunāñ hai
ye kaun mirī qaid meñ bedār-fitan hai
har soch se hotī hai kisī qabr meñ raunaq
har soch mirī zaat kā ik taaza kafan hai
har sans mein lipTa hua ek soz-e-kuhan hai
ye jism nahin dard ka pahna hua tan hai
bulbul hai na gul hai na koi tum sa chaman hai
ye shor-e-ana hi mere hone ka chalan hai
wo lams abhi tak meri tahwil mein kyun hai
wo jism abhi tak mere hisse ka badan hai
har sans mein ek aag si kyun raqs-kunan hai
ye kaun meri qaid mein bedar-fitan hai
har soch se hoti hai kisi qabr mein raunaq
har soch meri zat ka ek taza kafan hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
