azal se qaid teri KHwahish-e-abad mein rahe

azal se qaid tirī ḳhvāhish-e-abad meñ rahe

ham ahl-e-'ishq ka.ī zāviyoñ kī zad meñ rahe

jo keh rahā hai tumheñ mujh se baḌh ke chāhegā

use kaho ki ruke aur apnī had meñ rahe

tū jis ko dekh ke ik baar muskurā uTThā

tamām 'umr ham us niich se hasad meñ rahe

mujh aise shoḳh ko kaise judā karogī bhalā

jo 'ishq ban ke tire husn kī sanad meñ rahe

agar ham ek nahīñ ho sake to kyā ġham thā

tū vaañ pe ḳhush rahā ham pur-sukūñ lahad meñ rahe

ye gaal dekh ke chīḳhe ḳhudā ḳhudā vo za'īf

jo ek 'umr vujūd-e-ḳhudā ke rad meñ rahe

jahāñ idhar se udhar ho magar ai raunaq-e-jāñ

tirī jabīn hamāre laboñ kī zad meñ rahe

azal se qaid teri KHwahish-e-abad mein rahe

hum ahl-e-'ishq kai zawiyon ki zad mein rahe

jo keh raha hai tumhein mujh se baDh ke chahega

use kaho ki ruke aur apni had mein rahe

tu jis ko dekh ke ek bar muskura uTTha

tamam 'umr hum us nich se hasad mein rahe

mujh aise shoKH ko kaise juda karogi bhala

jo 'ishq ban ke tere husn ki sanad mein rahe

agar hum ek nahin ho sake to kya gham tha

tu wan pe KHush raha hum pur-sukun lahad mein rahe

ye gal dekh ke chiKHe KHuda KHuda wo za'if

jo ek 'umr wujud-e-KHuda ke rad mein rahe

jahan idhar se udhar ho magar ai raunaq-e-jaan

teri jabin hamare labon ki zad mein rahe