us shoKH ke galon mein shafaq jun nikhar aai

us shoḳh ke gāloñ meñ shafaq juuñ nikhar aa.ī

ik surḳhī mire lab pe achānak ubhar aa.ī

vo aañkh musāfir ke liye raah huī hai

aur raah se uḌtī huī bas dhuul ghar aa.ī

maiñ abr-e-farozāñ kī hifāzat meñ huā qaid

vo huur mulāqāt ke ḳheme se Dar aa.ī

sandūq-e-amānat se nikālīñ tirī yādeñ

siina to mirā halkā huā aañkh bhar aa.ī

aflāk kī āñkhoñ meñ raqābat huī paidā

dil phuul pe titlī jo machaltī nazar aa.ī

hārūn bhī phir vahshat-o-hairat meñ hue gum

āvāz jo gosāle ke andar se bar aa.ī

us shoKH ke galon mein shafaq jun nikhar aai

ek surKHi mere lab pe achanak ubhar aai

wo aankh musafir ke liye rah hui hai

aur rah se uDti hui bas dhul ghar aai

main abr-e-farozan ki hifazat mein hua qaid

wo hur mulaqat ke KHeme se Dar aai

sanduq-e-amanat se nikalin teri yaaden

sina to mera halka hua aankh bhar aai

aflak ki aankhon mein raqabat hui paida

dil phul pe titli jo machalti nazar aai

haarun bhi phir wahshat-o-hairat mein hue gum

aawaz jo gosale ke andar se bar aai