kal zara jalwa-numa jo wo ruKH-e-gul-gun hua

kal zarā jalva-numā jo vo ruḳh-e-gul-gūñ huā

ek lailā kī talab meñ har koī majnūñ huā

vo matā'-e-husn-e-tūbā vo zar-e-nāb-e-jamāl

jis ke bā'is ik bhikārī vaqt kā qārūñ huā

phuul terī tal'atoñ kā ban gayā halqa-ba-gosh

sarv-e-gulshan bhī nisār-e-qāmat-e-mauzūñ huā

dāġh-e-dil kā kyā gila ye 'ishq kī sauġhāt hai

hijr kā ġham raas yuuñ aayā ki roz-afzūñ huā

gūñjtī hai mujh meñ vahshat kī sadā-e-bāz-gasht

ab ki us vāraftagī meñ haal apnā yuuñ huā

mujh ko jab ḳhud nā-murādī kā nahīñ koī malāl

phir mirī rūdād sun kar aap ko dukh kyuuñ huā

terī hikmat-āshnā.ī meñ vo kyā tāsīr thī

maiñ ki nākāra huā kartā thā aflātūñ huā

kal zara jalwa-numa jo wo ruKH-e-gul-gun hua

ek laila ki talab mein har koi majnun hua

wo mata'-e-husn-e-tuba wo zar-e-nab-e-jamal

jis ke ba'is ek bhikari waqt ka qarun hua

phul teri tal'aton ka ban gaya halqa-ba-gosh

sarw-e-gulshan bhi nisar-e-qamat-e-mauzun hua

dagh-e-dil ka kya gila ye 'ishq ki saughat hai

hijr ka gham ras yun aaya ki roz-afzun hua

gunjti hai mujh mein wahshat ki sada-e-baz-gasht

ab ki us waraftagi mein haal apna yun hua

mujh ko jab KHud na-muradi ka nahin koi malal

phir meri rudad sun kar aap ko dukh kyun hua

teri hikmat-ashnai mein wo kya tasir thi

main ki nakara hua karta tha aflatun hua