ek jahan hai pas-e-mizhgan bhi kahan tak dekhun
ik jahāñ hai pas-e-mizhgāñ bhī kahāñ tak dekhūñ
ḳhvāb hī ḳhvāb tire haiñ maiñ jahāñ tak dekhūñ
ab to āñkheñ mirī be-nūr huī jaatī haiñ
aane vaale maiñ tirī raah kahāñ tak dekhūñ
tū ne mahsūs na kī mere badan kī vahshat
maiñ to is ruuh pe zaḳhmoñ ke nishāñ tak dekhūñ
ek ḳhvāhish hai ki sūraj kī tarah chamkūñ aur
jis jagah hai tirā saaya maiñ vahāñ tak dekhūñ
chāhtā huuñ ki tire husn ko tanhā.ī meñ
khol kar chashm-e-yaqīñ apne gumāñ tak dekhūñ
ek jahan hai pas-e-mizhgan bhi kahan tak dekhun
KHwab hi KHwab tere hain main jahan tak dekhun
ab to aankhen meri be-nur hui jati hain
aane wale main teri rah kahan tak dekhun
tu ne mahsus na ki mere badan ki wahshat
main to is ruh pe zaKHmon ke nishan tak dekhun
ek KHwahish hai ki suraj ki tarah chamkun aur
jis jagah hai tera saya main wahan tak dekhun
chahta hun ki tere husn ko tanhai mein
khol kar chashm-e-yaqin apne guman tak dekhun
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
