tu meri nazar ka surur hai dil-e-be-nawa ka qarar hai

tū mirī nazar kā surūr hai dil-e-be-navā kā qarār hai

tū ḳhizāñ-rasīda hayāt kī mirī ek fasl-e-bahār hai

tire dar pe garche na aa sakūñ tujhe mudda'ā na sunnā sakūñ

tirā naam hī mire sāqiyā mirī ik matā'-e-qarār hai

nahīñ vo zabān-o-qalam kahīñ mirā shauq-e-vasl jo keh sake

mirā dard-e-dil jo sunā sake kahāñ saaz meñ vo pukār hai

kahāñ mere dāman-e-tang meñ koī sīm-o-zar maiñ huuñ ḳhāksār

faqat ek jaan hai sāqiyā vo tire huzūr nisār hai

tire 'ishq ne mujhe kar diyā ġham-e-rozgār se be-niyāz

na ḳhizāñ kā ḳhauf hai 'sā'dī' ko na hī intizār-e-bahār hai

tu meri nazar ka surur hai dil-e-be-nawa ka qarar hai

tu KHizan-rasida hayat ki meri ek fasl-e-bahaar hai

tere dar pe garche na aa sakun tujhe mudda'a na sunna sakun

tera nam hi mere saqiya meri ek mata'-e-qarar hai

nahin wo zaban-o-qalam kahin mera shauq-e-wasl jo keh sake

mera dard-e-dil jo suna sake kahan saz mein wo pukar hai

kahan mere daman-e-tang mein koi sim-o-zar main hun KHaksar

faqat ek jaan hai saqiya wo tere huzur nisar hai

tere 'ishq ne mujhe kar diya gham-e-rozgar se be-niyaz

na KHizan ka KHauf hai 'sa'di' ko na hi intizar-e-bahaar hai