phul kaliyon se ye sar-goshiyan karte honge
phuul kaliyoñ se ye sar-goshiyāñ karte hoñge
jab vo aa jā.eñge har bazm meñ charche hoñge
ham ko pāband-e-vafā kar ke hameñ bhuul gaye
ab har ik shaḳhs se vo pyaar se milte hoñge
ek aahaT pe gumāñ aane kā hotā hogā
un kī yādoñ meñ ka.ī naag bhī Daste hoñge
sochte hoñge miTā Daalā mirī hastī ko
jab vo iThlā ke kisī gul ko masalte hoñge
ab bhī sāñsoñ meñ mirī saañs mahaktī hogī
aur nīñdoñ meñ mire ḳhvāb machalte hoñge
aa gaye chal ke tirī bazm se 'maikash' lekin
ab bhī rindoñ meñ vahī jaam machalte hoñge
phul kaliyon se ye sar-goshiyan karte honge
jab wo aa jaenge har bazm mein charche honge
hum ko paband-e-wafa kar ke hamein bhul gaye
ab har ek shaKHs se wo pyar se milte honge
ek aahaT pe guman aane ka hota hoga
un ki yaadon mein kai nag bhi Daste honge
sochte honge miTa Dala meri hasti ko
jab wo iThla ke kisi gul ko masalte honge
ab bhi sanson mein meri sans mahakti hogi
aur nindon mein mere KHwab machalte honge
aa gaye chal ke teri bazm se 'maikash' lekin
ab bhi rindon mein wahi jam machalte honge
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
