pai-ba-pai mujh pe hai sitam kis ka
pai-ba-pai mujh pe hai sitam kis kā
naam likkhe mirā qalam kis kā
vo to rishta vafā kā toḌ chalā
rasta dekhe hai chashm-e-nam kis kā
jab ki us ko bhulā chuke dil se
phir ye paltā hai dil meñ ġham kis kā
jurm kis kā hai kaun mujrim hai
aur hotā hai sar qalam kis kā
jis ko dekho vo laḌkhaḌātā hai
mai-kade meñ rahā bharam kis kā
kis ne bhejā hai mere naam ye ḳhat
aaj 'kāvish' ye hai karam kis kā
pai-ba-pai mujh pe hai sitam kis ka
nam likkhe mera qalam kis ka
wo to rishta wafa ka toD chala
rasta dekhe hai chashm-e-nam kis ka
jab ki us ko bhula chuke dil se
phir ye palta hai dil mein gham kis ka
jurm kis ka hai kaun mujrim hai
aur hota hai sar qalam kis ka
jis ko dekho wo laDkhaData hai
mai-kade mein raha bharam kis ka
kis ne bheja hai mere nam ye KHat
aaj 'kawish' ye hai karam kis ka
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
