pahchan doston ki hai mushkil bahut yahan
pahchān dostoñ kī hai mushkil bahut yahāñ
haiñ mehrbāñ ke ruup meñ qātil bahut yahāñ
is shahr kī hai chashm-e-karam ham pe be-tarah
tohfe hue haiñ zaḳhm ke hāsil bahut yahāñ
ban ke rafīq pheñk jo dete haiñ mauj meñ
haiñ us na.e mizāj ke sāhil bahut yahāñ
tahzīb kī nigāh ko kar deñ jo sharmsār
manzar haiñ aise diid ke qābil bahut yahāñ
ik shaḳhs bā-vaqār vafā kī hai raah meñ
haiñ garche imtihāñ kī manāzil bahut yahāñ
'e'jāz' apnā rang-e-taġhazzul hai munfarid
dil kā lahū hai she'r meñ shāmil bahut yahāñ
pahchan doston ki hai mushkil bahut yahan
hain mehrban ke rup mein qatil bahut yahan
is shahr ki hai chashm-e-karam hum pe be-tarah
tohfe hue hain zaKHm ke hasil bahut yahan
ban ke rafiq phenk jo dete hain mauj mein
hain us nae mizaj ke sahil bahut yahan
tahzib ki nigah ko kar den jo sharmsar
manzar hain aise did ke qabil bahut yahan
ek shaKHs ba-waqar wafa ki hai rah mein
hain garche imtihan ki manazil bahut yahan
'e'jaz' apna rang-e-taghazzul hai munfarid
dil ka lahu hai she'r mein shamil bahut yahan
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
