na chaara-gar ke na kuchh bhi dawa ke hath mein hai

na chāra-gar ke na kuchh bhī davā ke haath meñ hai

‘ilāj-e-dard-e-mohabbat tumhāre haath meñ hai

barā-e-sabr-o-tashaffī-e-dil hai hamd-e-ḳhudā

sukūñ to sirf dil-e-be-navā ke haath meñ hai

hue haiñ aise giraftār-e-dām-e-rasm-o-rivāj

ki āñkheñ band haiñ mash'al hamāre haath meñ hai

ḳhizāñ kā shikva ġhalat hai nigāh-dār-e-chaman

vaqār-e-sub.h-e-bahārāñ tumhāre haath meñ hai

na 'āqibat kī koī fikr hai na 'uqbā kī

zahe-nasīb tirā haath mere haath meñ hai

hai apnā kaam to johd-e-musalsal ai 'rāhī'

ma.āl-e-johd-e-musalsal ḳhudā ke haath meñ hai

na chaara-gar ke na kuchh bhi dawa ke hath mein hai

‘ilaj-e-dard-e-mohabbat tumhaare hath mein hai

bara-e-sabr-o-tashaffi-e-dil hai hamd-e-KHuda

sukun to sirf dil-e-be-nawa ke hath mein hai

hue hain aise giraftar-e-dam-e-rasm-o-riwaj

ki aankhen band hain mash'al hamare hath mein hai

KHizan ka shikwa ghalat hai nigah-dar-e-chaman

waqar-e-subh-e-bahaaran tumhaare hath mein hai

na 'aqibat ki koi fikr hai na 'uqba ki

zahe-nasib tera hath mere hath mein hai

hai apna kaam to johd-e-musalsal ai 'rahi'

maal-e-johd-e-musalsal KHuda ke hath mein hai