mohabbat ka har ek lamha hasin lamhe mein aa jae

mohabbat kā har ik lamha hasīñ lamhe meñ aa jaa.e

jo maiñ dar khol duuñ ḳhush-bū tirī kamre meñ aa jaa.e

tujhe dekheñge sab mele meñ mela kaun dekhegā

mirā dā'vā hai tū saj kar agar mele meñ aa jaa.e

parinda to abhī āzād phirtā hai fazāoñ meñ

shikārī jaal phailā de to vo piñjre meñ aa jaa.e

bahādur vo hai nikle jang meñ sar par kafan bāñdhe

jo buzdil hai vo vāpas lauT ke ḳheme meñ aa jaa.e

du'ā ye hai bachā.e har musībat se ḳhudā tujh ko

tire hisse kā saarā ġham mire hisse meñ aa jaa.e

ye tabdīlī tumhāre qad ko ūñchā aur kar degī

zarā sī sādgī jo tanziya lahje meñ aa jaa.e

pighal jaa.e na us kā mom ke jaisā badan 'muztar'

balā kī dhuup hai keh do use saa.e meñ aa jaa.e

mohabbat ka har ek lamha hasin lamhe mein aa jae

jo main dar khol dun KHush-bu teri kamre mein aa jae

tujhe dekhenge sab mele mein mela kaun dekhega

mera da'wa hai tu saj kar agar mele mein aa jae

parinda to abhi aazad phirta hai fazaon mein

shikari jal phaila de to wo pinjre mein aa jae

bahadur wo hai nikle jang mein sar par kafan bandhe

jo buzdil hai wo wapas lauT ke KHeme mein aa jae

du'a ye hai bachae har musibat se KHuda tujh ko

tere hisse ka sara gham mere hisse mein aa jae

ye tabdili tumhaare qad ko uncha aur kar degi

zara si sadgi jo tanziya lahje mein aa jae

pighal jae na us ka mom ke jaisa badan 'muztar'

bala ki dhup hai keh do use sae mein aa jae