kaise kaTegi umr ye taht-us-sara ke din

kaise kaTegī 'umr ye taht-us-sarā ke din

Dartā huuñ raushnī se 'ajab haiñ sazā ke din

bachpan se zindagī ko miTāne kī ḳhū meñ thā

raushan jabīn laḌkī ne badle haiñ aa ke din

pat-jhaḌ ke mausamoñ meñ zarī'ā haiñ saañs kā

maazī kī Diary meñ muqaffal balā ke din

milte hī mil ga.ī thiiñ manāzil kī mash'aleñ

vo ḳhush-libās lams meñ laayā chhupā ke din

ḳhush-bū bikher dī hai havā ke gilās meñ

vo phuul mil gayā hai the jis se sabā ke din

kab tak havā kā lams nikālūñ charāġh se

sochā hai bhuul jā.ūñ maiñ terī vafā ke din

'kāshif' kisī kā naam maiñ letā huuñ zer-e-lab

kahtā huuñ apne aap se ye haiñ 'atā ke din

kaise kaTegi 'umr ye taht-us-sara ke din

Darta hun raushni se 'ajab hain saza ke din

bachpan se zindagi ko miTane ki KHu mein tha

raushan jabin laDki ne badle hain aa ke din

pat-jhaD ke mausamon mein zari'a hain sans ka

mazi ki Diary mein muqaffal bala ke din

milte hi mil gai thin manazil ki mash'alen

wo KHush-libas lams mein laya chhupa ke din

KHush-bu bikher di hai hawa ke gilas mein

wo phul mil gaya hai the jis se saba ke din

kab tak hawa ka lams nikalun charagh se

socha hai bhul jaun main teri wafa ke din

'kashif' kisi ka nam main leta hun zer-e-lab

kahta hun apne aap se ye hain 'ata ke din