hum mohabbat mein mohabbat ke gunah-gar hue

ham mohabbat meñ mohabbat ke gunah-gār hue

yā'nī ik aur mohabbat meñ giraftār hue

barf pighlī hai pahāḌoñ pe baḌī mushkil se

muddatoñ baa'd tire aane ke āsār hue

har ghaḌī rahtā thā ehsās ghuTan kā tujh bin

ghar meñ aate hī tire kamre havā-dār hue

naam lete haiñ 'aqīdat se hamārā 'ushshāq

chūñ-ki ham log mohabbat meñ vafā-dār hue

tum ko ye faḳhr ki shāhoñ ke musāhib tum ho

ham ko ye zo'm ki 'ġhālib' ke taraf-dār hue

ik zamāne ne du'āoñ meñ hameñ māñgā hai

ham magar phir bhī tire dost talab-gār hue

rif'ateñ mulk-faroshoñ ne yahāñ paa.ī haiñ

zīnat-e-dār magar ham se vafā-dār hue

hum mohabbat mein mohabbat ke gunah-gar hue

ya'ni ek aur mohabbat mein giraftar hue

barf pighli hai pahaDon pe baDi mushkil se

muddaton ba'd tere aane ke aasar hue

har ghaDi rahta tha ehsas ghuTan ka tujh bin

ghar mein aate hi tere kamre hawa-dar hue

nam lete hain 'aqidat se hamara 'ushshaq

chun-ki hum log mohabbat mein wafa-dar hue

tum ko ye faKHr ki shahon ke musahib tum ho

hum ko ye zo'm ki 'ghaalib' ke taraf-dar hue

ek zamane ne du'aon mein hamein manga hai

hum magar phir bhi tere dost talab-gar hue

rif'aten mulk-faroshon ne yahan pai hain

zinat-e-dar magar hum se wafa-dar hue