hath rasman to yahan sab se milaya jae

haath rasman to yahāñ sab se milāyā jaa.e

ye zarūrī to nahīñ dil meñ basāyā jaa.e

go ki mā'lūm hai ham ko tirī 'ādat lekin

ham nibhā.eñge jahāñ tak bhī nibhāyā jaa.e

'aib-jūī meñ lage rahte haiñ jo auroñ kī

kyuuñ na ab un ko bhī ā.īna dikhāyā jaa.e

ham to badle meñ jafāoñ ke vafā karte rahe

ham ne kyā jurm kiyā ye to batāyā jaa.e

ho ga.e ḳhatm sabhī raah ke kāñTe 'momin'

paaoñ kahte haiñ lahū aur bahāyā jaa.e

hath rasman to yahan sab se milaya jae

ye zaruri to nahin dil mein basaya jae

go ki ma'lum hai hum ko teri 'adat lekin

hum nibhaenge jahan tak bhi nibhaya jae

'aib-jui mein lage rahte hain jo auron ki

kyun na ab un ko bhi aaina dikhaya jae

hum to badle mein jafaon ke wafa karte rahe

hum ne kya jurm kiya ye to bataya jae

ho gae KHatm sabhi rah ke kanTe 'momin'

paon kahte hain lahu aur bahaya jae