dip chupke se jalane aae

diip chupke se jalāne aa.e

jab tire ḳhvāb suhāne aa.e

ham ne chāhā thā bhulā deñ un ko

par vahī yaad dilāne aa.e

zikr jab chheḌā vafāoñ kā kabhī

log kuchh daaġh dikhāne aa.e

raat bhar chāñd se bāteñ kiiñ hai

sub.h aañsū ye batāne aa.e

vaqt kyā aayā hamārā kuchh log

raah meñ kāñch bichhāne aa.e

us kī chaukhaT se guzarte hī mujhe

yaad kuchh zaḳhm purāne aa.e

vā'da-e-vasl kiyā thā 'parvez'

kaash vā'da vo nibhāne aa.e

dip chupke se jalane aae

jab tere KHwab suhane aae

hum ne chaha tha bhula den un ko

par wahi yaad dilane aae

zikr jab chheDa wafaon ka kabhi

log kuchh dagh dikhane aae

raat bhar chand se baaten kin hai

subh aansu ye batane aae

waqt kya aaya hamara kuchh log

rah mein kanch bichhane aae

us ki chaukhaT se guzarte hi mujhe

yaad kuchh zaKHm purane aae

wa'da-e-wasl kiya tha 'parwez'

kash wa'da wo nibhane aae