badan ka zaKHm gul buTa nahin hai
badan kā zaḳhm gul buuTā nahīñ hai
fasāna dil kā kuchh jhūTā nahīñ hai
na.e zaḳhmoñ kī sauġhāteñ 'atā kar
abhī ye dil bahut TuuTā nahīñ hai
ġhamoñ kī be-sar-o-sāmānī dekho
salīqe se mujhe luuTā nahīñ hai
azal se sar pe patthar mārtā huuñ
abhī tak merā sar phūTā nahīñ hai
tavajjoh ho ki ho be-iltifātī
abhī tak mujh se vo rūThā nahīñ hai
sitam karte rahe vo phir bhī mujh se
vafā kā rāsta chhūTā nahīñ hai
badan ka zaKHm gul buTa nahin hai
fasana dil ka kuchh jhuTa nahin hai
nae zaKHmon ki saughaten 'ata kar
abhi ye dil bahut TuTa nahin hai
ghamon ki be-sar-o-samani dekho
saliqe se mujhe luTa nahin hai
azal se sar pe patthar marta hun
abhi tak mera sar phuTa nahin hai
tawajjoh ho ki ho be-iltifati
abhi tak mujh se wo ruTha nahin hai
sitam karte rahe wo phir bhi mujh se
wafa ka rasta chhuTa nahin hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
