us ka radd-e-sabaat aankhon se
us kā radd-e-sabāt āñkhoñ se
Dhah gayā somnāt āñkhoñ se
dil bhalā phir javāb kyā detā
us ne pūchhī thī zaat āñkhoñ se
ik musāfir kī zindagī kyā hai
dekhnā shash-jihāt āñkhoñ se
ik zarā us kī be-adā.ī se
gir ga.ī kā.enāt āñkhoñ se
us ke vā'doñ ke jhilmilāne se
kāñptī hai ye raat āñkhoñ se
us kī bātoñ kā kyā bharosa phir
vo jo kartā hai baat āñkhoñ se
apne she'roñ kī ye haqīqat hai
ham ne jī hai hayāt āñkhoñ se
us ka radd-e-sabaat aankhon se
Dhah gaya somnat aankhon se
dil bhala phir jawab kya deta
us ne puchhi thi zat aankhon se
ek musafir ki zindagi kya hai
dekhna shash-jihat aankhon se
ek zara us ki be-adai se
gir gai kaenat aankhon se
us ke wa'don ke jhilmilane se
kanpti hai ye raat aankhon se
us ki baaton ka kya bharosa phir
wo jo karta hai baat aankhon se
apne she'ron ki ye haqiqat hai
hum ne ji hai hayat aankhon se
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
