socho to yar usne bhi kya kya nahin kiya
socho to yaar us ne bhī kyā kyā nahīñ kiyā
par maiñ ne us ke saath tamāsha nahīñ kiyā
us ne rivāyatoñ kī to yuuñ qadr kī bahut
par us ne 'āshiqī kā taqāzā nahīñ kiyā
manzil to sāmne thī ki uThne kī der thī
phir yuuñ huā ki ham ne irāda nahīñ kiyā
vā'da kiyā thā us se ki chāheñge 'umr bhar
jiite raheñge aisā to vā'da nahīñ kiyā
ham to rahe haiñ 'ishq meñ nuqsān meñ bahut
ki apnī ḳhvāhishoñ kā taqāzā nahīñ kiyā
socho to yar us ne bhi kya kya nahin kiya
par main ne us ke sath tamasha nahin kiya
us ne riwayaton ki to yun qadr ki bahut
par us ne 'ashiqi ka taqaza nahin kiya
manzil to samne thi ki uThne ki der thi
phir yun hua ki hum ne irada nahin kiya
wa'da kiya tha us se ki chahenge 'umr bhar
jite rahenge aisa to wa'da nahin kiya
hum to rahe hain 'ishq mein nuqsan mein bahut
ki apni KHwahishon ka taqaza nahin kiya
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
