wo firaq aur wo visal kahan
vo firāq aur vo visāl kahāñ
vo shab-o-roz o māh-o-sāl kahāñ
fursat-e-kārobār-e-shauq kise
zauq-e-nazzāra-e-jamāl kahāñ
dil to dil vo dimāġh bhī na rahā
shor-e-saudā-e-ḳhatt-o-ḳhāl kahāñ
thī vo ik shaḳhs ke tasavvur se
ab vo rānā.ī-e-ḳhayāl kahāñ
aisā āsāñ nahīñ lahū ronā
dil meñ tāqat jigar meñ haal kahāñ
ham se chhūTā qimār-ḳhāna-e-ishq
vaañ jo jāveñ girah meñ maal kahāñ
fikr-e-duniyā meñ sar khapātā huuñ
maiñ kahāñ aur ye vabāl kahāñ
muzmahil ho ga.e qavā ġhālib
vo anāsir meñ e'tidāl kahāñ
bose meñ vo muzā.iqa na kare
par mujhe tāqat-e-savāl kahāñ
falak-e-sifla be-muhābā hai
is sitam-gar ko infi.āl kahāñ
wo firaq aur wo visal kahan
wo shab-o-roz o mah-o-sal kahan
fursat-e-karobar-e-shauq kise
zauq-e-nazzara-e-jamal kahan
dil to dil wo dimagh bhi na raha
shor-e-sauda-e-KHatt-o-KHal kahan
thi wo ek shaKHs ke tasawwur se
ab wo ranai-e-KHayal kahan
aisa aasan nahin lahu rona
dil mein taqat jigar mein haal kahan
hum se chhuTa qimar-KHana-e-ishq
wan jo jawen girah mein mal kahan
fikr-e-duniya mein sar khapata hun
main kahan aur ye wabaal kahan
muzmahil ho gae qawa ghaalib
wo anasir mein e'tidal kahan
bose mein wo muzaiqa na kare
par mujhe taqat-e-sawal kahan
falak-e-sifla be-muhaba hai
is sitam-gar ko infial kahan
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
