wo dekhta hai yahi soch kar namaz paDhi

vo dekhtā hai yahī soch kar namāz paḌhī

hamesha 'ishq ke zer-e-asar namāz paḌhī

samay se qabl junūñ ke baġhair 'ishq kiyā

azaañ sunī na vuzū thā magar namāz paḌhī

maiñ zindagī ko musalsal safar samajhtā huuñ

so jab namāz paḌhī muḳhtasar namāz paḌhī

phir us se joḌ liyā rabt jis se toḌā thā

ġhalat paḌhī thī so bār-e-digar namāz paḌhī

qarīb thī koī masjid na paas jā-e-namāz

bichhā ke saaya sar-e-rahguzar namāz paḌhī

sunā hai pahle yahāñ aab dastyāb na thā

phir ik faqīr ne aa kar idhar namāz paḌhī

namāziyoñ ko ri'āyat hai tez bārish meñ

so jab bhī girya kiyā maiñ ne ghar namāz paḌhī

kahegā pahlī namāzeñ namāzeñ thiiñ hī nahīñ

tumhāre saath kisī ne agar namāz paḌhī

maiñ pāñch vaqt azānoñ pe sochtā huuñ use

kabhī qazā na huī vaqt par namāz paḌhī

hamāre sajde kabhī be-nishāñ nahīñ hote

zamīñ batā.egī ham ne kidhar namāz paḌhī

ik aisī zaat bhī hai jo kabhī nahīñ sotī

ye sun ke so na sakā raat bhar namāz paḌhī

wo dekhta hai yahi soch kar namaz paDhi

hamesha 'ishq ke zer-e-asar namaz paDhi

samay se qabl junun ke baghair 'ishq kiya

azan suni na wuzu tha magar namaz paDhi

main zindagi ko musalsal safar samajhta hun

so jab namaz paDhi muKHtasar namaz paDhi

phir us se joD liya rabt jis se toDa tha

ghalat paDhi thi so bar-e-digar namaz paDhi

qarib thi koi masjid na pas ja-e-namaz

bichha ke saya sar-e-rahguzar namaz paDhi

suna hai pahle yahan aab dastyab na tha

phir ek faqir ne aa kar idhar namaz paDhi

namaziyon ko ri'ayat hai tez barish mein

so jab bhi girya kiya main ne ghar namaz paDhi

kahega pahli namazen namazen thin hi nahin

tumhaare sath kisi ne agar namaz paDhi

main panch waqt azanon pe sochta hun use

kabhi qaza na hui waqt par namaz paDhi

hamare sajde kabhi be-nishan nahin hote

zamin bataegi hum ne kidhar namaz paDhi

ek aisi zat bhi hai jo kabhi nahin soti

ye sun ke so na saka raat bhar namaz paDhi