the aise puKHta tere wasl ke yaqin par hum

the aise puḳhta tire vasl ke yaqīñ par ham

palaT ke aa.e to phir aa gaye vahīñ par ham

guzishta raat mohabbat ko ḳhair-bād kahā

so ab raheñge kisī dūsrī zamīñ par ham

ḳhudā kā shukr ki ik shaḳhs ke tavassut se

dikhā.ī dene lage haiñ kahīñ kahīñ par ham

ye log pūchheñge tujh se hamāre baare meñ

numāyāñ hone lage haiñ tirī jabīñ par ham

supurd-e-ḳhāk kiyā tū ne zindagī ham ko

bahut ġhurūr se chalte the is zamīñ par ham

the aise puKHta tere wasl ke yaqin par hum

palaT ke aae to phir aa gaye wahin par hum

guzishta raat mohabbat ko KHair-baad kaha

so ab rahenge kisi dusri zamin par hum

KHuda ka shukr ki ek shaKHs ke tawassut se

dikhai dene lage hain kahin kahin par hum

ye log puchhenge tujh se hamare bare mein

numayan hone lage hain teri jabin par hum

supurd-e-KHak kiya tu ne zindagi hum ko

bahut ghurur se chalte the is zamin par hum