tujhse viran saaton mein milun

tujh se vīrān sā'atoñ meñ milūñ

bhāgte vaqt duur duur rahūñ

ruuh ke dhuup dhuup sahrā meñ

saaya saaya maiñ tere saath chalūñ

phuul ban kar tire laboñ pe khilūñ

chashm-e-nam se sitāra-vār girūñ

'umr-bhar kī aziyyatoñ kā 'ilāj

tujh ko dil se jilā-vatan kar duuñ

bah sukūñ ab na maiñ kināroñ meñ

sail ban kar nagar nagar phailūñ

mere har samt paanī paanī hai

aur maiñ ghūñT ghūñT ko tarsūñ

chīthḌā chīthḌā hai zaat apnī

raat din inqalāb kī sochūñ

kar ke apne vujūd ke TukḌe

keh rahā huuñ ki fā.ede meñ huuñ

murda rūhoñ se zindagī māñgūñ

zulmatoñ se kiran kashīd karūñ

maiñ huuñ fitrat kā lāDlā bachcha

chāñd māñgūñ to bin liye na Talūñ

'ālam-e-jāñ-kanī meñ bhī 'ḳhālid'

raushnī raushnī pukārtā huuñ

tujh se viran sa'aton mein milun

bhagte waqt dur dur rahun

ruh ke dhup dhup sahra mein

saya saya main tere sath chalun

phul ban kar tere labon pe khilun

chashm-e-nam se sitara-war girun

'umr-bhar ki aziyyaton ka 'ilaj

tujh ko dil se jila-watan kar dun

bah sukun ab na main kinaron mein

sail ban kar nagar nagar phailun

mere har samt pani pani hai

aur main ghunT ghunT ko tarsun

chithDa chithDa hai zat apni

raat din inqalab ki sochun

kar ke apne wujud ke TukDe

keh raha hun ki faede mein hun

murda ruhon se zindagi mangun

zulmaton se kiran kashid karun

main hun fitrat ka laDla bachcha

chand mangun to bin liye na Talun

'alam-e-jaan-kani mein bhi 'KHalid'

raushni raushni pukarta hun