Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

teri qurbat bais-e-virani-e-dil ho gai

Agha Sarkhush Qazalbash

teri qurbat bais-e-virani-e-dil ho gai

Agha Sarkhush Qazalbash

MORE BYAgha Sarkhush Qazalbash

    terī qurbat bā'is-e-vīrānī-e-dil ho ga.ī

    sham' ke jalte hue andher mahfil ho ga.ī

    apnī barbādī kā ab ehsās tak jaatā rahā

    terī marzī jab mirī qismat meñ shāmil ho ga.ī

    maut hai terā taġhāful ai nigāh-e-zaḳhm-sāz

    ab to bechainī mirī fitrat meñ shāmil ho ga.ī

    ḳhush-gumānī par mirī mujh ko milā ye hukm-e-dost

    ab tirī ummīd miT jaane ke qābil ho ga.ī

    rahm kar mere gudāz-e-qalb par ai chashm-e-husn

    terī pahlī hī nazar juzv-e-rag-e-dil ho ga.ī

    ho ga.ī āḳhir ko takmīl-e-bahār-e-jāvedāñ

    jab nigāh-e-'ishq us jalve meñ shāmil ho ga.ī

    dost kyā 'sarḳhush' mirī hālat pe dushman ro diye

    zindagī ab pyaar kar lene ke qābil ho ga.ī

    teri qurbat ba'is-e-virani-e-dil ho gai

    sham' ke jalte hue andher mahfil ho gai

    apni barbaadi ka ab ehsas tak jata raha

    teri marzi jab meri qismat mein shamil ho gai

    maut hai tera taghaful ai nigah-e-zaKHm-saz

    ab to bechaini meri fitrat mein shamil ho gai

    KHush-gumani par meri mujh ko mila ye hukm-e-dost

    ab teri ummid miT jaane ke qabil ho gai

    rahm kar mere gudaz-e-qalb par ai chashm-e-husn

    teri pahli hi nazar juzw-e-rag-e-dil ho gai

    ho gai aaKHir ko takmil-e-bahaar-e-jawedan

    jab nigah-e-'ishq us jalwe mein shamil ho gai

    dost kya 'sarKHush' meri haalat pe dushman ro diye

    zindagi ab pyar kar lene ke qabil ho gai

    Tagged Under

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Click on any word to get its meaning

    Jashn-e-Rekhta 11th Edition | 29-30-31 Jan, 2027 Buy Tickets

    Speak Now