takabbur ka natija hai ye sab jaani nahin samjhe

takabbur kā natīja hai ye sab jaanī nahīñ samjhe

tumhāre ghar meñ kyuuñ phailī hai vīrānī nahīñ samjhe

use kahnā paḌā ham se so ham par is liye lā'nat

ham us ko dekh kar us kī pareshānī nahīñ samjhe

chaman meñ phuul chhoḌo ḳhaar tak paidā nahīñ hoñge

agar ab bhī nigahbāñ kī nigahbānī nahīñ samjhe

ham us kī aañkh ke aañsū ko motī to nahīñ kahte

magar ye sach hai ham us ko kabhī paanī nahīñ kahte

ye rasta pahle parvat thā jahāñ ab dauḌte ho tum

baḌī mushkil se aa.ī hai ye āsānī nahīñ samjhe

takabbur ka natija hai ye sab jaani nahin samjhe

tumhaare ghar mein kyun phaili hai virani nahin samjhe

use kahna paDa hum se so hum par is liye la'nat

hum us ko dekh kar us ki pareshani nahin samjhe

chaman mein phul chhoDo KHar tak paida nahin honge

agar ab bhi nigahban ki nigahbani nahin samjhe

hum us ki aankh ke aansu ko moti to nahin kahte

magar ye sach hai hum us ko kabhi pani nahin kahte

ye rasta pahle parwat tha jahan ab dauDte ho tum

baDi mushkil se aai hai ye aasani nahin samjhe