rut kaise badle kaun aae is dasht mein phul khilane ko
rut kaise badle kaun aa.e is dasht meñ phuul khilāne ko
kyuuñ ḳhvāb dikhāte rahte ho dīvāne ke farzāne ko
haañ Thiik to hai kab tak bhaTkeñ adh-khile gulāb kī vaadī meñ
ruk jaao zarā ai ham-safaro tayyār haiñ ham bhī jaane ko
gamloñ meñ uge phūloñ hī se ab ḳhush ahl-e-junūñ ho jaate haiñ
dīvāne gaaḌī kī khiḌkī se dekhte haiñ vīrāne ko
ai be-his rut kī tez havā un se bhī ulajh un ko bhī uThā
baiThe haiñ abhī kuchh log yahāñ dukh sahne ko ġham khāne ko
kuchh aas mire dam-sāz to de mire saath na chal āvāz to de
koī to kiran raushan rakkhe is shauq ke bandī-ḳhāne ko
rut kaise badle kaun aae is dasht mein phul khilane ko
kyun KHwab dikhate rahte ho diwane ke farzane ko
han Thik to hai kab tak bhaTken adh-khile gulab ki wadi mein
ruk jao zara ai ham-safaro tayyar hain hum bhi jaane ko
gamlon mein uge phulon hi se ab KHush ahl-e-junun ho jate hain
diwane gaDi ki khiDki se dekhte hain virane ko
ai be-his rut ki tez hawa un se bhi ulajh un ko bhi uTha
baiThe hain abhi kuchh log yahan dukh sahne ko gham khane ko
kuchh aas mere dam-saz to de mere sath na chal aawaz to de
koi to kiran raushan rakkhe is shauq ke bandi-KHane ko
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
