mujhe rone ki aasani bahut hai
mujhe rone kī āsānī bahut hai
magar phir bhī pareshānī bahut hai
tujhe kaise maiñ apne saath rakkhūñ
mire ghar meñ to vīrānī bahut hai
mohabbat raas mujh ko kaise aa.e
mirī 'ādat meñ nā-dānī bahut hai
nahīñ kartā mohabbat vo kisī se
mujhe is par bhī hairānī bahut hai
mirā sab kuchh bahā kar le gayā hai
tumhāre dukh meñ tuġhyānī bahut hai
uThā le jaao apne ḳhvāb 'aḳhtar'
mirī āñkhoñ meñ ab paanī bahut hai
mujhe rone ki aasani bahut hai
magar phir bhi pareshani bahut hai
tujhe kaise main apne sath rakkhun
mere ghar mein to virani bahut hai
mohabbat ras mujh ko kaise aae
meri 'adat mein na-dani bahut hai
nahin karta mohabbat wo kisi se
mujhe is par bhi hairani bahut hai
mera sab kuchh baha kar le gaya hai
tumhaare dukh mein tughyani bahut hai
uTha le jao apne KHwab 'aKHtar'
meri aankhon mein ab pani bahut hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
