ji chahe jo kuchh tera so dushnam de mujhko

jī chāhe jo kuchh terā so dushnām de mujh ko

jo degā du'ā tujh ko to merī hī zabānī

ik ḳhalq kī nazroñ meñ subuk ho gayā lekin

kartā huuñ maiñ ab tak tirī ḳhātir ye girānī

Tuk dīda-e-tahqīq se tū dekh zuleḳhā

har chaah meñ aatā hai nazar yūsuf-e-sānī

mā'mūr hai jis roz se vīrāna-e-duniyā

har jins ke insān kī maaTī ga.ī chhānī

kyā kyā mile lailā manashāñ ḳhaak meñ 'saudā'

go apne bhī mahbūb kī dekhī na javānī

ji chahe jo kuchh tera so dushnam de mujh ko

jo dega du'a tujh ko to meri hi zabani

ek KHalq ki nazron mein subuk ho gaya lekin

karta hun main ab tak teri KHatir ye girani

Tuk dida-e-tahqiq se tu dekh zuleKHa

har chah mein aata hai nazar yusuf-e-sani

ma'mur hai jis roz se virana-e-duniya

har jins ke insan ki maTi gai chhani

kya kya mile laila manashan KHak mein 'sauda'

go apne bhi mahbub ki dekhi na jawani