itna nadan nahin hona tha
itnā nādān nahīñ honā thā
ḳhud se anjān nahīñ honā thā
Thiik thā dil kā pareshāñ honā
dil ko vīrān nahīñ honā thā
dil meñ ik phuul khilānā thā par
mujh ko guldān nahīñ honā thā
dard-e-tanhā.ī aziyyat vahshat
itnā sāmān nahīñ honā thā
'ishq gar dil meñ thā behad to phir
jaanā āsān nahīñ honā thā
khāyā ik yaad ne mujh ko varna
itnā nuqsān nahīñ honā thā
hijr pe hijr kī chāhat ho mujhe
aisā insān nahīñ honā thā
jiinā gar 'harsh' kā āsān thā to
marnā āsān nahīñ honā thā
itna nadan nahin hona tha
KHud se anjaan nahin hona tha
Thik tha dil ka pareshan hona
dil ko viran nahin hona tha
dil mein ek phul khilana tha par
mujh ko guldan nahin hona tha
dard-e-tanhai aziyyat wahshat
itna saman nahin hona tha
'ishq gar dil mein tha behad to phir
jaana aasan nahin hona tha
khaya ek yaad ne mujh ko warna
itna nuqsan nahin hona tha
hijr pe hijr ki chahat ho mujhe
aisa insan nahin hona tha
jina gar 'harsh' ka aasan tha to
marna aasan nahin hona tha
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
