ghamon ki dhup mein sab uD gaya ghaza hamara
ġhamoñ kī dhuup meñ sab uḌ gayā ġhāza hamārā
ye chehra thā kabhī misl-e-gul-e-tāza hamārā
bahut din ho ga.e milne nahīñ aayā hai koī
tarastā hai kisī dastak ko darvāza hamārā
dil-e-nādāñ ye pahlī baar kā qissa nahīñ hai
hamesha Thiik hī hotā hai andāza hamārā
koī kashtī ho larzāñ jaise tūfān-e-balā meñ
havā ke shor meñ tanhā hai āvāza hamārā
'umūd-abrār’ ye ham ne kabhī sochā nahīñ thā
bikhar jā.egā is raste meñ shīrāza hamārā
ghamon ki dhup mein sab uD gaya ghaza hamara
ye chehra tha kabhi misl-e-gul-e-taza hamara
bahut din ho gae milne nahin aaya hai koi
tarasta hai kisi dastak ko darwaza hamara
dil-e-nadan ye pahli bar ka qissa nahin hai
hamesha Thik hi hota hai andaza hamara
koi kashti ho larzan jaise tufan-e-bala mein
hawa ke shor mein tanha hai aawaza hamara
'umud-abrar’ ye hum ne kabhi socha nahin tha
bikhar jaega is raste mein shiraaza hamara
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
