bujh gae rauzan gharon ke shahr sahra ho gaya

bujh ga.e rauzan gharoñ ke shahr sahrā ho gayā

chāñd phir sarmā kī us bastī meñ tanhā ho gayā

chuur ho kar har sadā ghāTī kī tah meñ so ga.ī

ḳhvāb koh-e-mast-ḳhū kā aur gahrā ho gayā

ai daraḳhtoñ ke nagar kab phal khilā.egī havā

patte ginte haath haare shauq andhā ho gayā

harf mā'nī se judā the dil talab-nā-āshnā

hāo-hū kā shahr kyuuñ merā shanāsā ho gayā

le yahāñ taaza shikastoñ kī lakīreñ sabt kar

tū ne jo is haath par likkhā huā thā ho gayā

kaliyāñ kaliyāñ jis ke aa'zā ġhuncha ġhuncha jis ke hoñT

band rātoñ meñ khulā aisā tamāshā ho gayā

ik hilorā bhar vo shāḳh-e-sabz mere saath thī

phir mirī āñkhoñ ke aage baaġh piilā ho gayā

bujh gae rauzan gharon ke shahr sahra ho gaya

chand phir sarma ki us basti mein tanha ho gaya

chur ho kar har sada ghaTi ki tah mein so gai

KHwab koh-e-mast-KHu ka aur gahra ho gaya

ai daraKHton ke nagar kab phal khilaegi hawa

patte ginte hath haare shauq andha ho gaya

harf ma'ni se juda the dil talab-na-ashna

hao-hu ka shahr kyun mera shanasa ho gaya

le yahan taza shikaston ki lakiren sabt kar

tu ne jo is hath par likkha hua tha ho gaya

kaliyan kaliyan jis ke aa'za ghuncha ghuncha jis ke honT

band raaton mein khula aisa tamasha ho gaya

ek hilora bhar wo shaKH-e-sabz mere sath thi

phir meri aankhon ke aage bagh pila ho gaya