wahshaten kaisi hain KHwabon se ulajhta kya hai
vahshateñ kaisī haiñ ḳhvāboñ se ulajhtā kyā hai
ek duniyā hai akelī tū hī tanhā kyā hai
daad de zarf-e-samā.at to karam hai varna
tishnagī hai mirī āvāz kī naġhma kyā hai
boltā hai koī har-ān lahū meñ mere
par dikhā.ī nahīñ detā ye tamāshā kyā hai
jis tamannā meñ guzartī hai javānī merī
maiñ ne ab tak nahīñ jaanā vo tamannā kyā hai
ye mirī ruuh kā ehsās hai āñkheñ kyā haiñ
ye mirī zaat kā ā.īna hai chehra kyā hai
kaash dekho kabhī TuuTe hue ā.īnoñ ko
dil shikasta ho to phir apnā parāyā kyā hai
zindagī kī ai kaḌī dhuup bachā le mujh ko
pīchhe pīchhe ye mire maut kā saaya kyā hai
wahshaten kaisi hain KHwabon se ulajhta kya hai
ek duniya hai akeli tu hi tanha kya hai
dad de zarf-e-samaat to karam hai warna
tishnagi hai meri aawaz ki naghma kya hai
bolta hai koi har-an lahu mein mere
par dikhai nahin deta ye tamasha kya hai
jis tamanna mein guzarti hai jawani meri
main ne ab tak nahin jaana wo tamanna kya hai
ye meri ruh ka ehsas hai aankhen kya hain
ye meri zat ka aaina hai chehra kya hai
kash dekho kabhi TuTe hue aainon ko
dil shikasta ho to phir apna paraya kya hai
zindagi ki ai kaDi dhup bacha le mujh ko
pichhe pichhe ye mere maut ka saya kya hai
- Book : Chand Chehra Sitara Aankhen (Pg. 125)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
