wahshaten bhi kitni hain aagahi ke paikar mein
wahshaten bhi kitni hain aagahi ke paikar mein
Khushbir Singh Shaad
MORE BYKhushbir Singh Shaad
vahshateñ bhī kitnī haiñ āgahī ke paikar meñ
jal rahā hai sūraj bhī raushnī ke paikar meñ
raat merī āñkhoñ meñ kuchh ajiib chehre the
aur kuchh sadā.eñ thiiñ ḳhāmushī ke paikar meñ
har taraf sarāboñ ke kuchh hasīn manzar the
aur maiñ bhī hairāñ thā tishnagī ke paikar meñ
maiñ ne to tasavvur meñ aur aks dekhā thā
fikr muḳhtalif kyuuñ hai shā.erī ke paikar meñ
ruup rañg miltā hai ḳhadd-o-ḳhāl milte haiñ
aadmī nahīñ miltā aadmī ke paikar meñ
kyā batā.eñ ham dil par 'shād' kyā guzartī hai
ġham chhupānā paḌtā hai jab ḳhushī ke paikar meñ
wahshaten bhi kitni hain aagahi ke paikar mein
jal raha hai suraj bhi raushni ke paikar mein
raat meri aankhon mein kuchh ajib chehre the
aur kuchh sadaen thin KHamushi ke paikar mein
har taraf sarabon ke kuchh hasin manzar the
aur main bhi hairan tha tishnagi ke paikar mein
main ne to tasawwur mein aur aks dekha tha
fikr muKHtalif kyun hai shaeri ke paikar mein
rup rang milta hai KHadd-o-KHal milte hain
aadmi nahin milta aadmi ke paikar mein
kya bataen hum dil par 'shad' kya guzarti hai
gham chhupana paDta hai jab KHushi ke paikar mein
- Book : Zara ye Dhoop Dhal Jaye (Pg. 14)
- Author : Khushbir Singh Shaad
- Publication : Suman Parkashan, Bhadoriya Complex, Lucknow (2005)
- Edition : 2005
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
