اس طرف تو تری یکتائی ہے
اس طرف تو تری یکتائی ہے
اس طرف میں مری تنہائی ہے
دو الگ لفظ نہیں ہجر و وصال
ایک میں ایک کی گویائی ہے
ہے نشاں جنگ سے بھاگ آنے کا
گھر مجھے باعث رسوائی ہے
حبس ہیں مشرق و مغرب دونوں
اب نہ پچھوا ہے نہ پروائی ہے
گھاس کی طرح پڑے ہیں ہم لوگ
نہ بلندی ہے نہ گہرائی ہے
جس بیاباں میں ہوں میں آبلہ پا
وہ بیاباں مری سچائی ہے
اس کی باتوں پہ خفا مت ہونا
فرحتؔ احساس تو سودائی ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
