us sitamgar se jo mila hoga

us sitamgar se jo milā hogā

jaan se haath dho chukā hogā

ishq meñ tere ham jo kuchh dekhā

na kisī ne kabhī sunā hogā

aah qāsid tū ab talak na phirā

dil dhaḌaktā hai kyā huā hogā

tū hī āñkhoñ meñ tū hī hai dil meñ

kaun yaañ aur tujh sivā hogā

ai miyāñ gul to khil chuke pa kabhū

ġhuncha-e-dil mirā bhī vā hogā

dekh tū faal meñ ki vo mujh se

na milegā milegā kyā hogā

hai yaqīñ mujh ko tujh sitamgar se

dil kisī kā agar lagā hogā

nāla-o-āh karte hī karte

ek din yuuñ hī mar gayā hogā

koī hogā ki dekh use 'bedār'

dil o diiñ le ke tuj rahā hogā

us sitamgar se jo mila hoga

jaan se hath dho chuka hoga

ishq mein tere hum jo kuchh dekha

na kisi ne kabhi suna hoga

aah qasid tu ab talak na phira

dil dhaDakta hai kya hua hoga

tu hi aankhon mein tu hi hai dil mein

kaun yan aur tujh siwa hoga

ai miyan gul to khil chuke pa kabhu

ghuncha-e-dil mera bhi wa hoga

dekh tu fal mein ki wo mujh se

na milega milega kya hoga

hai yaqin mujh ko tujh sitamgar se

dil kisi ka agar laga hoga

nala-o-ah karte hi karte

ek din yun hi mar gaya hoga

koi hoga ki dekh use 'bedar'

dil o din le ke tuj raha hoga