us se ji bhar ke mili dad-e-tamanna mujhko

us se jī bhar ke milī dād-e-tamannā mujh ko

jis ne tasvīr tirī dekh ke dekhā mujh ko

dekhne vaale ye kis shaan se dekhā mujh ko

aaj duniyā ke maze de ga.ī duniyā mujh ko

jazb-e-dil tere karishmoñ ne ulaT dī duniyā

ab sunāte haiñ vo ḳhud merā fasānā mujh ko

be-tahāshā tirī tasvīr pe jaatī hai nigāh

jab koī kahtā hai taqdīr kā maarā mujh ko

ek dhaj 'ālam-e-vahshat meñ badaltā huuñ roz

chāhtā huuñ ki kaheñ log tumhārā mujh ko

ghar ko chhoḌā hai ḳhudā jaane kahāñ jaane ko

ab samajh lījiye TuuTā huā taarā mujh ko

dil lahū kar gayā āġhāz-e-mohabbat 'manzar'

aur abhī dekhnā baaqī hai natīja mujh ko

us se ji bhar ke mili dad-e-tamanna mujh ko

jis ne taswir teri dekh ke dekha mujh ko

dekhne wale ye kis shan se dekha mujh ko

aaj duniya ke maze de gai duniya mujh ko

jazb-e-dil tere karishmon ne ulaT di duniya

ab sunate hain wo KHud mera fasana mujh ko

be-tahasha teri taswir pe jati hai nigah

jab koi kahta hai taqdir ka mara mujh ko

ek dhaj 'alam-e-wahshat mein badalta hun roz

chahta hun ki kahen log tumhaara mujh ko

ghar ko chhoDa hai KHuda jaane kahan jaane ko

ab samajh lijiye TuTa hua tara mujh ko

dil lahu kar gaya aaghaz-e-mohabbat 'manzar'

aur abhi dekhna baqi hai natija mujh ko