us lamhe tishna-lab ret bhi pani hoti hai
us lamhe tishna-lab ret bhī paanī hotī hai
āñdhī chale to sahrā meñ tuġhyānī hotī hai
nasr meñ jo kuchh kah nahīñ saktā sher meñ kahtā huuñ
is mushkil meñ bhī mujh ko āsānī hotī hai
jaane kyā kyā zulm parinde dekh ke aate haiñ
shaam Dhale peḌoñ par marsiya-ḳhvānī hotī hai
ishq tumhārā khel hai baaz aayā is khel se meñ
mere saath hamesha be-īmānī hotī hai
kyuuñ apnī tārīḳh se nālāñ haiñ is shahr ke log
Dah dete haiñ jo ta.amīr purānī hotī hai
ye nukta ik qissa-go ne mujh ko samjhāyā
har kirdār ke andar ek kahānī hotī hai
itnī saarī yādoñ ke hote bhī jab dil meñ
vīrānī hotī hai to hairānī hotī hai
us lamhe tishna-lab ret bhi pani hoti hai
aandhi chale to sahra mein tughyani hoti hai
nasr mein jo kuchh kah nahin sakta sher mein kahta hun
is mushkil mein bhi mujh ko aasani hoti hai
jaane kya kya zulm parinde dekh ke aate hain
sham Dhale peDon par marsiya-KHwani hoti hai
ishq tumhaara khel hai baz aaya is khel se mein
mere sath hamesha be-imani hoti hai
kyun apni tariKH se nalan hain is shahr ke log
Dah dete hain jo tamir purani hoti hai
ye nukta ek qissa-go ne mujh ko samjhaya
har kirdar ke andar ek kahani hoti hai
itni sari yaadon ke hote bhi jab dil mein
virani hoti hai to hairani hoti hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
