uski aankhon mein utar jaane ko ji chahta hai
us kī āñkhoñ meñ utar jaane ko jī chāhtā hai
shaam hotī hai to ghar jaane ko jī chāhtā hai
kisī kam-zarf ko bā-zarf agar kahnā paḌe
aise jiine se to mar jaane ko jī chāhtā hai
ek ik baat meñ sachchā.ī hai us kī lekin
apne vā'doñ se mukar jaane ko jī chāhtā hai
qarz TuuTe hue ḳhvāboñ kā adā ho jaa.e
zaat meñ apnī bikhar jaane ko jī chāhtā hai
apnī palkoñ pe sajā.e hue yādoñ ke diye
us kī nīñdoñ se guzar jaane ko jī chāhtā hai
ek ujḌe hue vīrān khañDar meñ 'āzar'
nā-munāsib hai magar jaane ko jī chāhtā hai
us ki aankhon mein utar jaane ko ji chahta hai
sham hoti hai to ghar jaane ko ji chahta hai
kisi kam-zarf ko ba-zarf agar kahna paDe
aise jine se to mar jaane ko ji chahta hai
ek ek baat mein sachchai hai us ki lekin
apne wa'don se mukar jaane ko ji chahta hai
qarz TuTe hue KHwabon ka ada ho jae
zat mein apni bikhar jaane ko ji chahta hai
apni palkon pe sajae hue yaadon ke diye
us ki nindon se guzar jaane ko ji chahta hai
ek ujDe hue viran khanDar mein 'azar'
na-munasib hai magar jaane ko ji chahta hai
- Book : Karwaan-e-Ghazal (Pg. 341)
- Author : Farooq Argali
- Publication : Farid Book Depot (Pvt.) Ltd (2004)
- Edition : 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
