us ka apna hi karishma hai fusun hai yun hai

us kā apnā hī karishma hai fusūñ hai yuuñ hai

yuuñ to kahne ko sabhī kahte haiñ yuuñ hai yuuñ hai

jaise koī dar-e-dil par ho sitāda kab se

ek saaya na darūñ hai na barūñ hai yuuñ hai

tum ne dekhī hī nahīñ dasht-e-vafā kī tasvīr

nok-e-har-ḳhār pe ik qatra-e-ḳhūñ hai yuuñ hai

tum mohabbat meñ kahāñ sūd-o-ziyāñ le aa.e

ishq kā naam ḳhirad hai na junūñ hai yuuñ hai

ab tum aa.e ho mirī jaan tamāshā karne

ab to dariyā meñ talātum na sukūñ hai yuuñ hai

nāsehā tujh ko ḳhabar kyā ki mohabbat kyā hai

roz aa jaatā hai samjhātā hai yuuñ hai yuuñ hai

shā.irī taaza zamānoñ kī hai me.amār 'farāz'

ye bhī ik silsila-e-kun-fayakūñ hai yuuñ hai

us ka apna hi karishma hai fusun hai yun hai

yun to kahne ko sabhi kahte hain yun hai yun hai

jaise koi dar-e-dil par ho sitada kab se

ek saya na darun hai na barun hai yun hai

tum ne dekhi hi nahin dasht-e-wafa ki taswir

nok-e-har-KHar pe ek qatra-e-KHun hai yun hai

tum mohabbat mein kahan sud-o-ziyan le aae

ishq ka nam KHirad hai na junun hai yun hai

ab tum aae ho meri jaan tamasha karne

ab to dariya mein talatum na sukun hai yun hai

naseha tujh ko KHabar kya ki mohabbat kya hai

roz aa jata hai samjhata hai yun hai yun hai

shairi taza zamanon ki hai meamar 'faraaz'

ye bhi ek silsila-e-kun-fayakun hai yun hai