tirgi mein himmat ki raushni bhi dekhi hai
tīrgī meñ himmat kī raushnī bhī dekhī hai
maut hī ke pahlū meñ zindagī bhī dekhī hai
razm-gāh-e-'ālam meñ merī chashm-e-'ibrat ne
ḳhvājgī bhī dekhī hai khusravī bhī dekhī hai
raushnī ke dīvāno gesuoñ ke saa.e meñ
naujavāñ ujāloñ kī ḳhud-kushī bhī dekhī hai
luT gaye sar-e-manzil kārvāñ umīdoñ ke
rahbarī ke parde meñ rahzanī bhī dekhī hai
ham ne ai chaman vaalo tīrgī-e-'ālam meñ
ik ubharte sūraj kī raushnī bhī dekhī hai
ek kaif-e-be-kaifī ek rang-e-be-rangī
haañ 'azīz' kī ham ne shā'irī bhī dekhī hai
tirgi mein himmat ki raushni bhi dekhi hai
maut hi ke pahlu mein zindagi bhi dekhi hai
razm-gah-e-'alam mein meri chashm-e-'ibrat ne
KHwajgi bhi dekhi hai khusrawi bhi dekhi hai
raushni ke diwano gesuon ke sae mein
naujawan ujalon ki KHud-kushi bhi dekhi hai
luT gaye sar-e-manzil karwan umidon ke
rahbari ke parde mein rahzani bhi dekhi hai
hum ne ai chaman walo tirgi-e-'alam mein
ek ubharte suraj ki raushni bhi dekhi hai
ek kaif-e-be-kaifi ek rang-e-be-rangi
han 'aziz' ki hum ne sha'iri bhi dekhi hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
