tirgi-e-gham hai jaise raushni ke sath sath
tīrgī-e-ġham hai jaise raushnī ke saath saath
hai usī sūrat alam bhī sarḳhushī ke saath saath
rahravoñ kā rāsta kaise rukegā dosto
māh-o-anjum kī ziyā hai tīrgī ke saath saath
maut se Darte nahīñ ham log rāh-e-shauq meñ
maut rahtī hai hamesha zindagī ke saath saath
laakh hai tūfān rāhoñ meñ balāoñ kā magar
ḳhvāhish-e-manzil ravāñ hai aadmī ke saath saath
dast-e-gul-chīñ chhū nahīñ saktā hai kaliyoñ kā badan
ḳhaar bhī gulshan meñ hai har ik kalī ke saath saath
'ahd-e-nau kī raushnī meñ dekhiye 'ātish' zarā
dushmanī kā rang bhī hai dostī ke saath saath
tirgi-e-gham hai jaise raushni ke sath sath
hai usi surat alam bhi sarKHushi ke sath sath
rahrawon ka rasta kaise rukega dosto
mah-o-anjum ki ziya hai tirgi ke sath sath
maut se Darte nahin hum log rah-e-shauq mein
maut rahti hai hamesha zindagi ke sath sath
lakh hai tufan rahon mein balaon ka magar
KHwahish-e-manzil rawan hai aadmi ke sath sath
dast-e-gul-chin chhu nahin sakta hai kaliyon ka badan
KHar bhi gulshan mein hai har ek kali ke sath sath
'ahd-e-nau ki raushni mein dekhiye 'atish' zara
dushmani ka rang bhi hai dosti ke sath sath
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
