sham-e-gham raushni ki baat karen
shām-e-ġham raushnī kī baat kareñ
aao kuchh zindagī kī baat kareñ
sūrat-e-ādmī se kyā lenā
sīrat-e-ādmī kī baat kareñ
ġham-zada ġham kī baat karte haiñ
aap ḳhush haiñ ḳhushī kī baat kareñ
jo asīrān-e-zulf-e-shab-gūñ haiñ
kaise vo raushnī kī baat kareñ
aap ḳhurshīd ham sitāre haiñ
kis tarah bartarī kī baat kareñ
sham-e-gham raushni ki baat karen
aao kuchh zindagi ki baat karen
surat-e-admi se kya lena
sirat-e-admi ki baat karen
gham-zada gham ki baat karte hain
aap KHush hain KHushi ki baat karen
jo asiran-e-zulf-e-shab-gun hain
kaise wo raushni ki baat karen
aap KHurshid hum sitare hain
kis tarah bartari ki baat karen
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
