nashat-e-qurb bhi hai lazzat-e-wida bhi hai

nashāt-e-qurb bhī hai lazzat-e-vidā' bhī hai

dayār-e-'āshiqī meñ dard kī matā' bhī hai

vo ġhard-e-rāh hue yā faroġh-e-māh hue

musāfirān-e-talab kī kuchh ittilā' bhī hai

dayār-e-dil meñ hai māyūsiyoñ kā sannāTā

magar yahīñ kahīñ ummīd kī shu'ā' bhī hai

chalo ki us tahī-dast-o-faqīr-e-mast ke haañ

may-e-murād bhī hai mahfil-e-samā' bhī hai

shaguft-e-gul se sar-e-sahn-e-gulsitāñ yaaro

tulū’-e-sub.h-e-bahārāñ kī ittilā' bhī hai

musāfirān-e-mohabbat na dil-girafta hoñ

mu'āmalāt-e-nazar meñ ġham-e-nazā’ bhī hai

faqīh-e-shahr sarā-e-muġhāñ kī samt to aa

yahīñ pe ahl-e-muhabbat kā ijtimā' bhī hai

faqat rivāyat-e-she'r-e-'ajam nahīñ 'mohsin'

mirī ġhazal mire fan meñ kuchh iḳhtirā' bhī hai

nashat-e-qurb bhi hai lazzat-e-wida' bhi hai

dayar-e-'ashiqi mein dard ki mata' bhi hai

wo ghard-e-rah hue ya farogh-e-mah hue

musafiran-e-talab ki kuchh ittila' bhi hai

dayar-e-dil mein hai mayusiyon ka sannaTa

magar yahin kahin ummid ki shu'a' bhi hai

chalo ki us tahi-dast-o-faqir-e-mast ke han

may-e-murad bhi hai mahfil-e-sama' bhi hai

shaguft-e-gul se sar-e-sahn-e-gulsitan yaro

tulu’-e-subh-e-bahaaran ki ittila' bhi hai

musafiran-e-mohabbat na dil-girafta hon

mu'amalat-e-nazar mein gham-e-naza’ bhi hai

faqih-e-shahr sara-e-mughan ki samt to aa

yahin pe ahl-e-muhabbat ka ijtima' bhi hai

faqat riwayat-e-she'r-e-'ajam nahin 'mohsin'

meri ghazal mere fan mein kuchh iKHtira' bhi hai