udas aankhon se aansu nahin nikalte hain
udaas āñkhoñ se aañsū nahīñ nikalte haiñ
ye motiyoñ kī tarah sīpiyoñ meñ palte haiñ
ghane dhueñ meñ farishte bhī aañkh malte haiñ
tamām raat khujūroñ ke peḌ julte haiñ
maiñ shāhrāh nahīñ rāste kā patthar huuñ
yahāñ savār bhī paidal utar ke chalte haiñ
unheñ kabhī na batānā maiñ un kī āñkhoñ meñ
vo log phuul samajh kar mujhe masalte haiñ
ka.ī sitāroñ ko maiñ jāntā huuñ bachpan se
kahīñ bhī jā.ūñ mire saath saath chalte haiñ
ye ek peḌ hai aa is se mil ke ro leñ ham
yahāñ se tere mire rāste badalte haiñ
udas aankhon se aansu nahin nikalte hain
ye motiyon ki tarah sipiyon mein palte hain
ghane dhuen mein farishte bhi aankh malte hain
tamam raat khujuron ke peD julte hain
main shahrah nahin raste ka patthar hun
yahan sawar bhi paidal utar ke chalte hain
unhen kabhi na batana main un ki aankhon mein
wo log phul samajh kar mujhe masalte hain
kai sitaron ko main jaanta hun bachpan se
kahin bhi jaun mere sath sath chalte hain
ye ek peD hai aa is se mil ke ro len hum
yahan se tere mere raste badalte hain
- Book : Aamad (Pg. 18)
- Author : Bashir Badar
- Publication : M.R. Publications (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
