tu bad-mizaj tha tu ne bhi iltija nahin ki

tū bad-mizāj thā tū ne bhī iltijā nahīñ kī

aur ab faqīr se takrār hai du'ā nahīñ kī

maiñ ḳhāndān kī pābandiyoñ se vāqif thī

ḳhudā kā shukr hai us shaḳhs ne vafā nahīñ kī

aziyyateñ hī sahī dil kī choT bhī hai 'azīz

purānā zaḳhm rafū kar liyā davā nahīñ kī

hazār baar ujāḌā hai zindagī ne mujhe

burā zarūr manāyā hai bad-du'ā nahīñ kī

vo ‘ishq-o-rizq meñ fāqoñ pe aane vaale haiñ

ḳhudā ke naam se jis jis ne ibtidā nahīñ kī

tire ġhurūr se baḌh kar mirī anā hai mujhe

tū pūchhtā hai mohabbat kā mujh se jā nahīñ kī

tu bad-mizaj tha tu ne bhi iltija nahin ki

aur ab faqir se takrar hai du'a nahin ki

main KHandan ki pabandiyon se waqif thi

KHuda ka shukr hai us shaKHs ne wafa nahin ki

aziyyaten hi sahi dil ki choT bhi hai 'aziz

purana zaKHm rafu kar liya dawa nahin ki

hazar bar ujaDa hai zindagi ne mujhe

bura zarur manaya hai bad-du'a nahin ki

wo ‘ishq-o-rizq mein faqon pe aane wale hain

KHuda ke nam se jis jis ne ibtida nahin ki

tere ghurur se baDh kar meri ana hai mujhe

tu puchhta hai mohabbat ka mujh se ja nahin ki