sath chhoDa bhi kis zamane mein
saath chhoḌā bhī kis zamāne meñ
jhuk gayā jism sar uThāne meñ
kitne sar aur ab qalam hoñge
ek dastār ko bachāne meñ
dhīre dhīre sharāb piitā huuñ
vaqt lagtā hai hosh aane meñ
vo bhī phir lauT kar nahīñ aayā
ham bhī phir kho ga.e zamāne meñ
yaad rakhne meñ ḳhud ko kyā hāsil
aur kyā harj bhuul jaane meñ
zindagī yuuñ to sab nahīñ detī
luuT letī hai par sikhāne meñ
sath chhoDa bhi kis zamane mein
jhuk gaya jism sar uThane mein
kitne sar aur ab qalam honge
ek dastar ko bachane mein
dhire dhire sharab pita hun
waqt lagta hai hosh aane mein
wo bhi phir lauT kar nahin aaya
hum bhi phir kho gae zamane mein
yaad rakhne mein KHud ko kya hasil
aur kya harj bhul jaane mein
zindagi yun to sab nahin deti
luT leti hai par sikhane mein
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
