Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

apni niyat dekh lena phir hamari dekhna

Rasheed Hasrat

apni niyat dekh lena phir hamari dekhna

Rasheed Hasrat

MORE BYRasheed Hasrat

    apnī nīyat dekh lenā phir hamārī dekhnā

    ho tumhārī aañkh se chashma na jaarī dekhnā

    tum ne apnī aañkh kī tāsīr halke meñ to lī

    dhīre dhīre hogā koī kaif taarī dekhnā

    ḳhauf aisā aap ne paidā kiyā thā zehn meñ

    biich raste se palaT aa.ī bichārī dekhnā

    raah kī pechīdgī bezār kar degī tumheñ

    mashvara hogā ki behtar sī savārī dekhnā

    dekhnā tum saiñkaḌoñ meñ ek do rah jā.eñge

    aazmā kar dostoñ ko baarī baarī dekhnā

    ujratī qātil kisī kā dost hotā hī nahīñ

    le rakhī hogī tumhārī bhī supārī dekhnā

    kuchh nahīñ pūñjī hamārī sirf 'izzat hī to hai

    zindagī ham ne sharāfat meñ guzārī dekhnā

    kal talak to raaj kartī thī baḌī hī shaan se

    aaj gar nākām hai qismat kī maarī dekhnā

    ruḳh pe bārish phuul par shabnam ke qatre jis tarah

    us pe 'hasrat' zulf ne sūrat nikhārī dekhnā

    apni niyat dekh lena phir hamari dekhna

    ho tumhaari aankh se chashma na jari dekhna

    tum ne apni aankh ki tasir halke mein to li

    dhire dhire hoga koi kaif tari dekhna

    KHauf aisa aap ne paida kiya tha zehn mein

    bich raste se palaT aai bichaari dekhna

    rah ki pechidgi bezar kar degi tumhein

    mashwara hoga ki behtar si sawari dekhna

    dekhna tum sainkaDon mein ek do rah jaenge

    aazma kar doston ko bari bari dekhna

    ujrati qatil kisi ka dost hota hi nahin

    le rakhi hogi tumhaari bhi supari dekhna

    kuchh nahin punji hamari sirf 'izzat hi to hai

    zindagi hum ne sharafat mein guzari dekhna

    kal talak to raj karti thi baDi hi shan se

    aaj gar nakaam hai qismat ki mari dekhna

    ruKH pe barish phul par shabnam ke qatre jis tarah

    us pe 'hasrat' zulf ne surat nikhaari dekhna

    Additional information available

    Click on the INTERESTING button to view additional information associated with this sher.

    OKAY

    About this sher

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Click on any word to get its meaning
    Speak Now