yahan se wahan ka safar muKHtasar hai

yahāñ se vahāñ kā safar muḳhtasar hai

yahāñ chand marle vahāñ gaz meñ ghar hai

zarā qabr kī aap taj.hīz kar leñ

ki kab maut aa.e ye kis ko ḳhabar hai

huqūq-e-ḳhudā kī mu'āfī hai mumkin

mujhe to huqūq-e-bashar kā hī Dar hai

sadā ke liye to nahīñ bhejā rab ne

usī kī taraf lauTnā to magar hai

tabhī se gunāhoñ kī tauba hai 'qaisar'

sunā jab se dozaḳh kī rah pur-ḳhatar hai

yahan se wahan ka safar muKHtasar hai

yahan chand marle wahan gaz mein ghar hai

zara qabr ki aap tajhiz kar len

ki kab maut aae ye kis ko KHabar hai

huquq-e-KHuda ki mu'afi hai mumkin

mujhe to huquq-e-bashar ka hi Dar hai

sada ke liye to nahin bheja rab ne

usi ki taraf lauTna to magar hai

tabhi se gunahon ki tauba hai 'qaisar'

suna jab se dozaKH ki rah pur-KHatar hai