aaj maine use nazdik se ja dekha hai

aaj maiñ ne use nazdīk se jā dekhā hai

vo darīcha to mire qad se bahut ūñchā hai

apne kamre ko añdheroñ se bharā paayā hai

tere baare meñ kabhī ġhaur se jab sochā hai

har tamannā ko rivāyat kī tarah toḌā hai

tab kahīñ jā ke zamāna mujhe raas aayā hai

tum ko shikva hai mire ahd-e-mohabbat se magar

tum ne paanī pe koī lafz kabhī likkhā hai

aisā bichhḌā ki milā hī nahīñ phir us kā pata

haa.e vo shaḳhs jo aksar mujhe yaad aatā hai

koī us shaḳhs ko apnā nahīñ kahtā 'āzar'

apne ghar meñ bhī vo ġhairoñ kī tarah rahtā hai

aaj main ne use nazdik se ja dekha hai

wo daricha to mere qad se bahut uncha hai

apne kamre ko andheron se bhara paya hai

tere bare mein kabhi ghaur se jab socha hai

har tamanna ko riwayat ki tarah toDa hai

tab kahin ja ke zamana mujhe ras aaya hai

tum ko shikwa hai mere ahd-e-mohabbat se magar

tum ne pani pe koi lafz kabhi likkha hai

aisa bichhDa ki mila hi nahin phir us ka pata

hae wo shaKHs jo aksar mujhe yaad aata hai

koi us shaKHs ko apna nahin kahta 'azar'

apne ghar mein bhi wo ghairon ki tarah rahta hai