nai aag hamari rahi nai dud hamara
nai aag hamārī rahī nai duud hamārā
be-kār paḌā rah gayā mash.hūd hamārā
us zulf-e-pareshān kī ḳhushbū kī qasam hai
jaltā hī rahā us ke liye 'uud hamārā
ye ham jo lagī-lipTī use kahte rahe haiñ
khil jaa.e kisī roz na maqsūd hamārā
ab koī barāhīm na lalkār sakegā
rahtā hai isī vahm meñ namrūd hamārā
us peḌ kī Tahnī pe udāsī hai ġhazab kī
pahlū meñ hai jis ke shafaq-ālūd hamārā
vo shaḳhs 'ajab raqs meñ masrūr hai 'bāsit'
suntā hī nahīñ naġhma-e-dā.ūd hamārā
nai aag hamari rahi nai dud hamara
be-kar paDa rah gaya mashhud hamara
us zulf-e-pareshan ki KHushbu ki qasam hai
jalta hi raha us ke liye 'ud hamara
ye hum jo lagi-lipTi use kahte rahe hain
khil jae kisi roz na maqsud hamara
ab koi barahim na lalkar sakega
rahta hai isi wahm mein namrud hamara
us peD ki Tahni pe udasi hai ghazab ki
pahlu mein hai jis ke shafaq-alud hamara
wo shaKHs 'ajab raqs mein masrur hai 'basit'
sunta hi nahin naghma-e-daud hamara
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
